Meghalaya : Khlieh khuaa hmunhmate Pathiannia tlawh phal lo

East Khasi Hills, Meghalaya-a thingtlang khaw pakhat, Khlieh khua chuan an ram chhunga khualzinte tlawh ṭhin hmunhmate chu Pathianniah tlawh an phal tawh dawn lo.

Khlieh village council chuan he thutlukna an siam chhan hi bawlhhlawh pung zel tur ven nan leh heng hmunte a nihna anga vawnhim a nih theih nan an ti a ni. Khlieh-ah hian tuikhawhthla mawi tak a awm a, hei hi kum 2022 hnu lam aṭang khan tlawhtu an ṭhahnem ṭhin hle, mahse khawtlang hruaitute chuan khualzinte aiin a hmunhma vawn fai chu an ngai pawimawh zawk a ni.

Khlieh khawmite Pathiannia an inkhawm hlanin khaw mi zinga bawlhhlawh lo sawngbawl a, khualzinte bawlhhlawh paihdan lo viltu tur an awm loh vangin Pathianni bik chuan khualzinte tan an hmunhma tlawh theih lo turin thutlukna an siam ta a ni. Khualzinte chu khaw chhung inkaihhruaina dan an zamte leh tihtur an tarlante zawm turin Khlieh khaw hruaitute chuan an ngen.