NGT-in mining plan thehlut turin M'laya sorkar a hriattir

National Green Tribunal chuan Thawhlehni khan Meghalaya sorkar chu lungalhthei laih­chhuah dan tunlai leh rintlak zawk kalpuina atana ruahmanna a siam thehluh turin a hriattir.

Expert committee-in Meghalaya-a lungalhtheih hralhchhuah dan chung­changa interim report a thehluh chu NGT Chairperson Swatanter Kumar awmna bench chuan ngaihtuahin Meghalaya sorkar chu Meghalaya luangalh­thei laihchhuahte tam zawng tarlanna affidavit thehlut turin a hriattir bawk.

Expert committee chuan interim report a thehluhah South Garo Hills-a lungalhthei laihchhuah tawh, chhekkhawl zat chu metric tonne 10,08,401.49 a ni, a ti a, hetihlai hian lungalhthei awmzat hi metric tonne 19,22,082 tiin sorkar chuan a lo tarlang tawh thung.

NGT chuan nikum April-a lungalhthei laihchhuah a khap hnuah lung­alhthei laichhuah tawh, metric tonne maktaduai 6.3 te hralhchhuak turin a khur neitute chu ni 45 chhungin state sorkar hnenah chhiah (royalty) vaibelchhe 400 pe tlak hmasa turin nikum October khan a hriattir leh a ni.

Meghalaya-a lungalh­thei thubuai ngaihtuah leh turin NGT chuan April 16 hi hearing neih ni atan a ruat nghal.