NE state pathumah sorkarin Protected Area Permit a thlahdul

Union Minister of State for Home Kiren Rijiju chuan hmarchhak state pathum- Manipur, Mizoram leh Nagaland-ah foreign tourist-te tan Protected Area Permit (PAP) regime chu December 31 thleng thlahdul a ni, a ti.

Arunachal Pradesh-ah pawh PAP reigme hi thudelhkilh siama thlahdul a ni, tiin Rijiju chuan Rajya Sabha inkhawma zawhna a chhanah a sawi.

Sikkim-a Green Lake trekking neihna atana permit lak dan kalphung pawh awlsam zawka kalpui a nih theih nan hemi chungchang hi ngaihtuah mek a ni, a ti.

India rampawn mi, khualzinte chuan Pro­tected Area an tlawh dawn­in, an tlawh tur chhan leh an thil tih turte chiang taka tarlangin, thuneitute hnen aṭangin phalna an lak a ngai a ni.