Nagaland-ah swine flu vei pali-na hmuchhuak

Nagaland-ah February 25, Nilaini khan swine flu (H1N1) natna vei hmuhbelh leh a ni a, natna vei hmuh thar nen hian Nagaland-a swine flu vei hi pali an tling tawh a ni.

Integrated Diseases Survei­llance Programme (IDSP) State Nodal Officer Tiasunep Pongener chuan he thu hi sawiin, enfiah tura sample pakua Asssam, Dibugarh-a an thawn zingah mipa kum 39 chu swine flu natna a vei tih finfiah a ni, a ti.

Natna vei hi February 21 khan Delhi aṭangin Nagaland-ah a haw a, February 22-ah a inentirin, a blood sample lak a nih hnuah February 25 khan test result-ah swine flu a vei tih hmuhchhuah a ni.

Swine flu natna vei hi Kohima-a Naga Hospital Authority-ah room hrana dahin, mithiamte'n an enkawl nghal.

State Health Department chuan February 21-a Delhi aṭanga Nagaland-a thlawhtheihnaa haw te chu swine flu natna neite awm dan anga an awm a nih chuan damdawi-in hnai berah in check up tir turin a hriattir tawh bawk.

February 18 leh 22 inkar khan Nagaland-ah swine flu natna vei pathum hmuhchhuah an ni a, heng mite hi state pawn aṭanga Nagaland-a lut vek an ni.