Manipur : Dan loa lutte enfiah turin panel din a ni dawn

Manipur legislative assembly chuan Myanmar aṭanga dan loa state chhung lutte enfiah a remti. Manipur chief minister N Biren Singh-a'n dan loa lutte chungchang chhuia zir chiang tur hian House Committee siam a rawtna chu pawm a ni.

Manipur assembly-ah hian MLA Leishiyo Keishing chuan kum nga chhunga dan loa lut mi 10,675 an man chhuah zinga 6,199 chu a bial, Phungyar-ah an cheng niin a sawi. Heng mite hi state chhunga tualṭo hnamte nen cheng hoin an inpawh tawh hle a ni, a ti. Keishing chuan Manipur sorkar chu tualṭo hnamte humhim kawnga ṭanpui tur leh hma la turin a ngen a ni.

CM N Biren Singh chuan Manipur-a dan loa lut an tam chhan chu Myanmar buai vang a nih thu sawiin, heng raltlan lo hum tute chu hremna pekah a vau. Kum 1961 hnu lama Manipur-a lutte chu sorkar laipui nen ṭangrualin thawn kir leh vek a duh tih a sawi a, "Manipur-a dan loa rawn lutte chungchangah dawt ka sawi a nih chuan min khai hlum dawn nia" a ti.