Assam-a River Ropeway hawn thar siamṭhat a ngai leh nghal

Assam khawpui, Guwahati-a Brahmaputra lui chunga India rama river ropeway thui ber siam hawn thar chu, hawn a nih aṭanga ni hnih hnuah siamṭhat a ngaih avangin khar leh nghal a ni. 

Project manager MK Baig chuan 'electricity problem' vangin Nilaini khan ropeway hi khar leh nghal a nih thu a sawi a, electric lam chiang lo hian a motor a tichhia niin a sawi. Thawhlehni khan harsatna a awm a, hei hi chu an siamṭha leh nghal mai a, mahse Nilaini khan a chhiat zual avangin khar a ngai ta a ni, a ti. 

Ropeway hi Thawhṭanni khan health and education minister Dr Himanta Biswa Sarma leh Guwahati development department (GDD) minister Siddhartha Bhattacharya ten an hawng a ni. He ropeway hi km hnih dawna thui niin, cabin 31, passenger 30 leh operator pakhat chuan theihna a awm.