Meghalaya HC-in Covid-19 test-na tam zawk Private hospital-ah neih a ṭul thu a sawi

Meghalaya High Court chuan an state-a Covid-19 kai an pun zel avangin state chhungah private hospital tam zawkah RT-PCR test tih theihna an mamawh thu a sawi. 

Nilaini khan hripui leng mek chungchang­ah PIL thehluh a ngaihtuahnaah, Court chuan private hospital zingah  HG Robert, Bethany leh Woodland hospital-te chuan antigen test an tih theih thu leh, Nazareth hospital-ah CBNAAT (RT-PCR-based) testing facility a awm thu a sawi. Private hospital-te hian Covid-19 test neih kawngah sorkar chu an theih angin thawhpui mah se, RT-PCR test hi Nazareth Hospital chauh hian a la ti thei a ni. 

Court chuan rapid antigen test hi 100% rintlak a ni lo a, hetihlai hian Shillong khaw­­puia community spread a thleng chho tawh nia a lan avangin, private hospital dangte pawh hi RT-PCR test theihna tura thuam an ngai a ni, a ti.