Nagaland : Police uniform nena zurui ṭhinte hrem an ni dawn

Nagaland police department chuan police uniform inbellaia vantlang hmuna zu rui an awm a nih chuan hremna pek an ni dawn tih an tarlang. Police-te lakah hian complaint tam tak lutin, uniform nena zurui ṭhin an awm tiin sawisel an hlawh hle a ni.

State police department thu chhuah chuan an mi leh sa zingah hetiang ching an hmu chhuaka, an thiam lo a ni tih finfiah a nih chuan an hna aṭang suspend thlengin hrem an ni dawn tih an sawi. Kumtina an hlawh pung chu a nghawng bakah an kaisanna tur thlengin a nghawng thei dawn a ni. Hemi bakah hian Competency and Performance Test (CPT) neih hunah pawh uniform nena zu rui ṭhin chuan a ṭha lo zawngin nghawng a nei dawn niin an sawi bawk.

Police department chuan an thuchhuah hi an hnuaia thawkte chuan ngai pawimawhin zawm vek tur in a duh tih sawiin, an hmalakna chu police zahawmna humhim tumna a ni tih an sawi.