Guwahati-ah BRICS Youth Summit ṭan a ni

BRICS Youth Summit vawi hnihna chu nimin khan Guwahati-ah ṭan a ni a, ni thum chhung a awh ang.

BRICS member ram te chu Brazil, Russia, India, China leh South Africa te an ni.

He summit hmang tur hian ram hrang aiawh palai 70 an fuan khawm a, an zingah hian minister leh BRICS youth affairs te an tel a ni. BRICS Youth Summit hmasa ber chu July 2015 khan Russia-ah neih a lo ni tawh a ni. Ṭhalaite hmasawnna ngaihtuah chu he summit-in a tum ber a ni a, skill development leh entrepreneurship chungchangte chu an thu ngaihtuah tur zinga mi a nih bakah ṭhalai mi thiam zawkte sorkara nasa zawka an intah luh dante chu an ngaihpawimawh zual a ni. Assam chief minister Sarbananda Sonowal chuan an state-in BRICS Youth Summit an thleng thei chu lawmawm a tih thu sawiin, palai kal zawng zawng ten ṭangkai taka an hman a duh thu a sawi. Summit neih a nih hma hian, state mipuite chu palai te laka hawihhawm taka awm tur leh, an hna ziarangte a tam thei ang bera lo pholang turin ngenna a lo siam tawh a ni.

Summit-ah hian cultural programme hman a ni dawn a, ram hrang hrang palai te chuan cultural exchange an nei ang.