Tawang-ah Ex-Servicemen Cell hawn a ni

Arunachal Pradesh Tawang-ah 27 June khan ex-servicemen cell hawn a ni a, Brigadier DS Kushwah chuan a hawnna hun hi a hmanpui a, sipai bang mi eng emaw zat an tel bawk.

Kushwah chuan ex-servicemen cell hawn a ni thei ta chu lawmawm a tih thu sawiin, hmasawnna duhawm tak a ni a, sipai bang ten ṭangkai taka an hman a beisei thu a sawi. Sipai bang te chuan healthcare leh kawng dang dangah hamṭhatna an neihte chhawr ṭangkai turin duhsakna a hlan a ni. Ex-Servicemen Meet chu Ex-Servicemen Cell hawn tharah hian neih nghal a ni a, Suvigya package, awareness, recruitment, Sainik school admission, medical, pension sorkar scheme te sawihona hun hman a ni a, medical camp buatsaih nghal a ni.