2019-ah chuan in tinah êng pek vek a ni ang : Manipur CM

Manipur Chief Minister Okram Ibobi Singh chuan an state-in vision document a kalpui mekah, kum 2019 ral hma ngeiin in tinah eng pek vek hman a nih tur thu a puang.

Joint Electricity Regulatory Commission for Manipur & Mizoram, Manipur State Power Distribution Company Ltd leh Manipur State Power Company Ltd te chuan tunhnai khan Imphal-ah joint press conference an ko a, Ibobi chuan, "Manipur chu power-a intodelh state a nih theih nan hmalak mek a ni a, tun aṭanga kum 20 a liam leh chuan he suangtuahna hi a hlawhtling thei dawn a ni" a ti.

Union Ministry of Power chuan kum 2018 ral hma ngeiin India rama eng la luh lohnaah eng pek vek tuma hma a lak mek thu sawiin, state sorkar chuan eng hi in tinah kum 2019-ah chuan a pe thei dawn a ni a ti bawk. Manipur-ah hian chhungkua 87.5% te chuan eng an chhi tawh a ni. Deendayal Upadhyaya Gram Jyoti Yojana (DDUGJY) hnuaiah heng khuaah te hian eng pek an ni ang a, Manipur Renewable Energy Development Agency(MANIREDA) chu in tinah eng pek a nih theih nan hma a la ve thung dawn a ni Chief minister chuan a ti.