BSF ten Bangladesh mi 13 an man

Border Security Force (BSF) te chuan Bangladesh mi nia hriat mi 13 te chu South Garo Hills ramri Meghalaya-ah an man.

BSF official chuan an mi man te hi Hindu sakhaw zuitu an nih thu a sawi a, dan loa ramri an kan avangin man an ni a ti. South Garo Hills-a BSF special patrolling te chuan heng mite hi nang chingin an man zui a, an kut aṭang hian India pawisa Rs 5,000, mobile phone pahnih bakah Bangladesh SIM an man a ni. An mi man te hi Bangladesh-a Netrakona district Anandpur thingtlang khua cheng an ni tih hriat an ni a, thawn haw dan tur ngaihtuah mek a ni.

He tih lai hian Border Security Force (BSF) te chu Indo-Bangladesh border - Assam, Meghalaya leh Tripura huam chhung te chu hel ten Dhaka an beiha mi 20-in nunna an chan hnuah khauh zawka venhimhna thawk tura tih an ni.

BSF Inspector General P K Dubey chuan, Dhaka pawikhawihna thleng avang khan fimkhur tura chah kan ni a, theihtawp kan chhuah mek a ni a ti. Meghalaya leh Assam police te nen kan inbe pawp renga thil duhawm loh thleng hriat a la ni lo a ti. Cachar, Karimganj leh Dhubri te chu venhim ngai zualah ngaih a ni a, Bangladesh ramri - Assam, Meghalaya leh Tripura-ah te ngawrh taka venhim hna thawh mek a ni.