Manipur BJP ten SC thupek dodal

Manipur Bharatiya Janata Party (BJP) chuan Zirtawpni khan thu chhuah an siam a, Supreme Court-in state sorkar hnena parliamentary secretary panga ruat belh tura thupek a chhuah chu an dodal tih an sawi a, India danpui kalh a ni an ti.

BJP hruaitu Th Chaoba chuan, "Chief Minister Okram Ibobi Singh kaihruai sorkar chuan council of minister 12 a nei mek tih sawiin, parliamentary secretary panga ruat belh chu dan kalh a ni" a ti. Manipur chhan-chhuah a nih theih nan President’s Rule puan chu an party duhdan a nih thu a sawi. Article 164, sub section 2 (1A) 2003-ah chuan Chief Minister telin Council of Minister mi 15 aia tam an awm thei lo a ni a ti a, Manipur chu state tê a nih avangin minister 12 bak a nei thei lo a ni a ti.