Manipur : Sipai awmna atana tribal ram chhuhsak duh lohna lantir

Manipur sorkarin sipaite awmna atana tribal ram a laksak duh lohna lantirin August 8, Ningani khan Makhan khua, Kangpokpi district-ah kawngzawh huaihawt a ni. Sorkar hian tribal ram acres 130 laia zau a laksak nia tarlan a ni.

Kailanmdinang Abonmei, Makhan khaw Lal chuan sorkar thutlukna chu mipuiten an dem takzet tih a sawi. Manipur cabinet chuan kumin kumtir, January 15 khan Makhan khaw thuneitute hriatpuina tel lo leh pawmpuina loin thutlukna hi a siam a ni, a ti.

Sorkar thutlukna chu an pawm thei dawn lo tih sawiin, sipaite awmna tura an ruahman ram chu Makhan Liangmai Naga khaw ram a ni a, helai huam chhung bak hi lo neihna tur hmun ṭha an nei lo tih Abonmei chuan a sawi. An ei leh bar hmuhna ram ber a nih avangin khaw mipuite chuan thih thlengin an dodal dawn tih a sawi bawk.

Manipur sorkar hian tuna ram acres 130 bakah hmun danga ram acres 87 chu Leimakhong Army tan a lo laksak tawh niin a sawi. He ram an chan avang hian zangnadawmna mumal taka pek an ni lo a ni, a ti.