Tripura-a BSF duty-ten India mi 17 Bangladesh aṭangin hruai haw

Tripura leh Bangladesh ramria venhim hna thawktu, Border Security Force (BSF) chuan Bangladesh tualchhung buaina avanga tangkhang, India mi 17 chu him dam takin India ramah an hruai thleng.

India mi 17-te hi AFCONS Infrastructure Pvt Ltd in a chhawrte an ni a, Akhaura leh Kishoreganj inkara thlur li kawngpui, kilometer 52-a thui siamnaa thawktute an ni. Bangladesh tualchhung buaina a sosan hnu khan an inkulhna Ramrail-ah an tangkhang ta a ni. BSF-ten an hruai kir theihna tur hian Border Guards Bangladesh (BGB) nen ṭha takin an thawk ho tih tarlan a ni bawk.

Bangladesh buaina a inṭan hnuah India mi tam tak hruai kir tawh ni mah se medical college-a kalte leh India mi hnathawktu tam takte chu India ramah hruai haw an la ni lo thung. India external affairs minister S Jaishankar chuan Bangladesh-ah hian India mi 19,000 chuang an awm nia an hriat thu sawiin Dhaka-a India mite nen an inbepawp reng tih a sawi.