Hmarchhak-ah khawchin hrilhlawkna ṭha zawk Doppler radar dah dawn

Sorkar laipui chuan hmarchhak huam chhunga khawchin hrilhlawkna ṭha zawk neih a nih theih nan hmarchhak khawpui hrang hrangah 10 X-band Doppler weather radars (DWRs) a dah dawn.

Doppler radar hi Assam- Guwahati, Dhubri, Jorhat, Tezpur leh Silchar-ahte dah ni dawn a, hei bakah hian Aizawl (Mizoram), Dimapur (Nagaland), Imphal (Manipur); Mandala Tope leh Namsai (Arunachal Pradesh) ahte dah a ni bawk ang.

Union Minister of State for Science and Technology, Dr. Jitendra Singh chuan radar dah thar turte hi lei a nih tawh thu leh dah an tumna hmunte Rajya Sabha-ah a sawilang a ni. Radar thar chuan khaw chin hrilhlawknaah a pui dawn tih sawiin, khuarel chhiatna thleng thei laka invenna kawngah pawh a pui thei dawn a ni, a ti.

Sorkar laipuiin chhiatna thleng thei laka inven leh khawchin hrilhlawkna dik thei ang ber neih chu a ngai pawimawh tih Singh chuan a sawi. Heng radar hmang hian mipuite hnena a hun tak leh dik thei ang bera khawchin tarlan ṭhin tum a ni. Radar hian khuarel chhiatna thleng tur laka inven nan a puih theih beisei a ni bawk.