Meghalaya MLA a boral

Meghalaya Assembly-a Garo National Council (GNC) party MLA awmchhun Clifford Marak chu Inrinni khan Guwahati, International Hospital-ah thin leh kal ṭha lo natna avangin a boral.

Kum 69 mi Clifford hi South Garo Hills, Chokpot constituency aṭangin MLA-a thlantlin a ni a, GNC party dintu a ni.

Clifford hi Chokpot constituency aṭangin MLA-ah term li thlantlin tawh a ni a, Meghalaya Agriculture Minister hna term khat chelh tawhin, Garo Hills Autonomous District Council-a Executive Member in-charge Education & Land and Revenue a nih laiin MLA a ni bawk a, MDC leh MLA post chelhkawp hmasa ber a ni bawk.

Clifford hian a nupui, Kalpana D Sangma bakah a fanu pathum leh fapa pahnih a kalsan.