HR centre hotuin MHRC dinthar leh turin a ngen

Manipur-a Centre for Human Rights and Duty Education of Manipur University hotu M Sureshkumar chuan Manipur sorkar chu Manipur State Human Rights Commission (MSHRC) dinthar leh turin a ngen.

Sureshkumar chuan MHRC chu chhawr theih loha hun rei tak a awm avangin mihring dikna chanvo palzutna thubuai tam tak ngaihtuah loha a awm thu a sawi bawk.

Protection of Human Rights Act, 1993 tlawhchhanin MHRC hi kum 1998, June 27 khan Imphal, Lamphelpat-ah office hawnga din a ni a, mihring dikna chanvo humhalh leh a palzutna thubuai ngaihtuahtu atan din a ni.

Sureshkumar chuan state chhunga mihring dikna chanvo palzutna thubuai tam dan ngaihtuahin hun rei tak chhung MHRC chhawr theih loha a awm chu thil dik a ni lo, a ti.

Protection of Human Rights Act, 1993 chuan state tinte chu human rights chungchang buaipui tur, human rights commission an nei ngei ngei tur a ni, a ti.