Nagaland-in science & education research institute an nei dawn

Union Finance minister Arun Jaitley chuan kar kalta Inrinnia Union Budget 2015-16 a pharh ṭuma thu a sawiah Nagaland leh Odisha-ah science and educational research institute hawn a nih tur thu a sawi.

"Nagaland leh Odisha-ah science and educational research institution hawn ka rawt a ni," tiin Jaitley chuan a sawi.

Finance Minister Jaitley-a budget pharh chu fakin Development of Northeastern Region (DoNER) Minister Jitendra Singh chuan Union Budget hian hmarchhak bial mipuite beiseina a puitlin dawn a ni, a ti.

DoNER Minister chuan Assam-a All India Institute of Medical Sciences, Nagaland-a Indian Institute of Science and Education Research (IISER) leh Arunachal Pradesh-a Centre for Film Production Animation and Gaming hawn a nih tur thu puan a nih vang­in Jaitley chungah lawm­awm a tih thu a sawi.