Leimin vangin Barak leh Gauhati inkalpawhna a ping

Assam khawpui, Gauhati leh Barak valley inkalpawhna, National Highway 6 chu Thawhlehni khan Kuliang area, Jaintia Hills District bula leimin vangin a ping. Kar liam ta Thawhlehni khan helai chheh velah hian leimin a lo thleng tawh bawk a, kar khat chhunga leimin vanga harsatna an tawh ṭum hnihna a ni.

Kuling area-ah hian ruah a sur nasat avangin kawngpuia lung tla leh lei tawlh a tam hle a, heng avang hian kawngpui chu lirthei tlan theih lohin a ping a ni. Barak valley leh Gauhati inkalpawhna a tlang loh avang hian kawngpuiah lirthei leh khualzin tam tak an tangkhang a ni.

Assam thuneitute chuan kawngpui a tlang leh theih nan hian a thenfai hna ngawrh takin an thawk a, khualzinten him taka an paltlang theih nan leimin hlauhawmna laite chu uluk taka thenfai mek a ni.