Meghalaya-in international fest thleng dawn

Meghalaya chuan kumin November hian ‘Interna­tional Indigenous Terra ma­dre Festival’ a thleng dawn.

He kûtpui hi India ram state dangte leh rampawn lam mite laka Meghalaya leilung fate hnam nun­phung leh hnam thil hrang hrangte thehlarna atana buatsaih tum a ni.

Chief Minister Mukul Sangma chuan State Level Steering Committee (SLSC) meeting vawi khatna an neih zawhah he thu hi sawiin, state sorkar chuan kût buatsaihna senso-ah vaibelchhe 10 a dah thu leh kût chu state puma huaihawt tura rua­hman a nih thu a sawi.

SLSC hi state sorkar leh North Slow Food & Agrobiodiversity Society (NESFAS) joint committee a ni a, Chief Minister Mukul-a'n a ho.

"Kûtpui chu kan state-a hnam nunphung leh hnam thilte ramdang mite laka thehlarna leh inlai­chinna ṭha siamna atan hun remchang a ni ang," tiin Mukul chuan a sawi.