Assam Governor-in sa kap ṭhinte do turin a hriattir

Assam Governor PB Acharya chuan Pathian­ni khan state forest department leh Kaziranga National Park (KNP) thuneitute chu samak hum­halh nan sa kap ṭhin­te chungah na taka action la turin a hriattir.

KNP Director MK Yadav nena meeting an neihah Governor Acharya chuan KNP-a samak kahhlum tawh zat leh sa pel ṭhinte report hriattir thuai turin a ngen.

Govenor chuan meeting-ah hian state Forest Minister Atuwa Munda pawh a sawm a, mahse Forest Minister hi a tel lo. Governor chuan Forest Minister chu hna a thawh ṭhat loh chuan a bang tur a ni, tiin a sawi zui bawk.

Assam Governor chuan KNP chhehvel­a chengte chu samak kah­hlumnaa inhnam­hnawihah a puh bawk a, samak humhalh kawngah KNP chheh­vela chengte hian sorkar a ṭanpui lo a nih chuan an ram luah an chhuahsan a ṭul thu a sawi bawk.