Assam budget session ṭan

Assam assembly budget session chu nimin khan Governor Padma­nabha Balakrishna Acharya-a'n thuchah a sawi zawh hnuah ṭan a ni a, session hian March 31 thleng a awh ang.

Finance portfolio changtu, Chief Minister Tarun Gogoi chuan March 10 hian tun term chhunga budget tawpna tur, kum 2015-16 Budget a pharh ang. Assam hian nakkumah assembly inthlan a hmachhawn dawn a ni.

Assam Parliamentary Affairs Minister Rockybul Hussain chuan thla khat awh budget session neih turah Bill eng emaw zat putluh a nih tur thu sawiin, tluang taka rorel a nih theih nan eptute chu house-ah a mawi lo zawnga che lo tura an ngen thu a sawi bawk.