M'laya cabinet-in Marriage Act amend rawtna a pawmpui

State sorkarin Marriage Act a taka kalpui loh vang leh a tihkhawtlai avanga Mait Shaprang Movement (MSM) convenor Michael Syiem-a'n tiam chin awm loa chaw nghei nawrh a tum thu a puan hnuah Meghalaya cabinet chuan Meghalaya Compulsory Registration of Marriage Act, 2012 siamṭhat rawtna chu a pawmpui.

Chief Minister Mukul Sangma chuan he thu hi sawiin marriage act amend­ment bill chu kar leha state assembly budget session neih turah putluh a tum thu a sawi bawk.

Mukul chuan Marriage Act-a dan siamṭhat chu Governor pawmpui tura thawn a nih hmain mipuite hmaah tlangzarh a nih tur thu a sawi bawk.

Meghalaya Marriage Act hnuaiah innei turte chu eng pawh nise sor­kar­ah inziahluh ngei ngei a ngai a ni.

Hetihlai hian Chief Minister Mukul chuan MSM-in nawrh huai­hawt­a sorkar a vau vanga Marriage Act siamṭhat tum an nih loh thu a sawi bawk a, MSM convenor-in tiam chin awm lo chaw ngheia nawrh huaihawt a tum thu a puan hmain cabinet meeting chuan thutlukna a siam tawh a ni, a ti.