Manipur assembly session pawtsei

Manipur Assembly session chu inner line permit (ILP) bill putluh a nih theih nan March 16 thleng pawhsei a ni.

Assembly session hi Thawhlehni, March 3 khan a tawp.

Manipur Chief Minister Ibobi Singh chuan state sorkarin pemlutte khuahkhirh nan Manipur regulation of visitors and tenants (MRVT) Bill, 2015 a siam thu a sawi a, March 13-a Assembly ṭhutkhawm neih leh hunah putluh a nih tur thu a sawi. Bill hi March 16-a pass rin a ni. March 5 aṭanga March 9 thleng hi Yaoshang festival chawlh a nih avangin assembly ṭhutkhawm hi March 13-a ṭan tura thutlukna siam a ni.

Manipur-a ILP system kalpui phuta nikum aṭanga nawrh huaihawt tawh Joint Committee on ILPS (JCILPS) te nawrna avangin state sorkar chuan assembly session hi a pawtsei ta a ni.

JCILPS chuan ILP bill chu pass a nih loh chuan Chief Minister leh minister te chu bang tura an phut thu an lo tarlang tawh a ni.