Sonia Gandhi-in inthlan atana ruahmanna siam turin a hriattir

Congress president Sonia Gandhi chuan nakkuma state assembly inthlan neih tur atan Assam Congress party chu ruahmanna siam turin a hriattir.

Assam Pradesh Congress Committee (APCC) president Anjan Dutta chuan he thu hi sawiin, Ningani khan Sonia hi New Delhi-a a hmuh thu leh state politics-a thil thleng hrang hrangte a hriattir thu a sawi.

"Sonia chuan nakkum assembly inthlan atan ruahmanna mumal tak buatsaih turin min hrilh," tiin Dutta chuan a sawi.

Assam assembly in­thlan nakkuma neih turah Sonia chuan APCC chu assembly bial tinah polling agent pahnih ṭheuh ruat turin a hriattir bawk.

"Sonia chuan party thuneitute ruat, booth committee 24,000 te hnathawh a ennawn bawk," tiin APCC president chuan a sawi bawk.