Meghalaya CM-in Union HM Singh a hmu

Meghalaya Chief Minister Mukul Sangma chuan kar kalta Inrinni khan New Delhi-ah Union Home Minister Rajnath Singh a hmu a, state harsatna hrang hrang leh hel pawlte chungchang a sawipui.

Minit 15 chhung Union Home Minister Singh a kawmnaah Chief Minister Sangma chuan hmar­chhak biala hel pawlte chetlak dan chungchang te a sawi a, Bangladesh ramri hnaiha Garo Hills-ah hel pawl eng emaw zat an la awm thu a sawi bawk.

Home Minister Singh chuan Meghalaya harsatna chu theihtawp chhuah­a sorkar laipuiin puih a duh thu a sawi.

Singh hian kar kalta Inrinni khan Gurgaon damdawi-ina a inentir hnuah Chief Minister Sangma hi a chenna inah a kawm a ni.