Dec 22-a civil body inthlang turin AP inpeih

Arunachal Pradesh-a State Election Commi­ssion (SEC) chu December 22 hian panchayat leh municipal election buatsaih turin a inpeih tawh nia sawi a ni.

SEC deputy secretary Habung Lampung chuan inthlan neih tura inbuatsaihna hrang hrang, EVM enfiah leh ballot paper print-te chu zawhfel a ni tawh tih a sawi. Ballor paper-te pawh District Election Officers (DEO) te chuan an la fel vek tawh a ni, a ti. 

Civil body inthlan neih turah hian urbal local body pahnihn, Itanagar Municipal Corporation (IMC) leh Pasighat Municipal Council (PCM)-ah EVM hman a ni dawn a, panchayat inthlanah chuan ballot paper hman a ni ang. 

Inthlan fel fai taka neih a nih theihna atan inthlan buaipui tur hian mi 10,000 chuang dah an ni dawn tih Lampung chuan a sawi. 

Local body inthlan neih turah hian vote nei mi  4,89,423 awmin, vote thlakna tur polling station  1,472 siam a ni ang. 

Two-tier panchayat inthlan neih turah candi­date 6,500 awmin, heng zinga 99 chu Zilla Parishad-a mi niin, Gram Panchayat seat-ah candidate 6,401 an awm. IMC-ah hian chuhtu awm loin candidate panga chu an tling sa tawh bawk.