Nagaland sorkarin fund tihchingpen chungchang chhui chiang turin panel a din
Nagaland sorkar chuan Zunheboto district-a Khelhoshe Polytechnic Atoizu tana North East Quality Improvement Programme (NEQIP) atana fund pek tihchingpen nia sawi chu chhui chiang turin member pathum awmna inquiry committee a din.
All Nagaland College Students' Union (ANCSU) chuan state sorkar hnenah polytechnic-a NEQIP fund hman danah thil dik tawk lo a awm tih hriattirin, chhui chiang turin a ngen a ni. Hemi hnu hian sorkar chuan committee hi a din a, thla thum chhunga report thehlut turin a hriattir.
Inquiry committee hi Commissioner and Secretary, Water Resources Department, Kenilo Apon-a'n a ho a, member dang pahnihte chu Zunheboto Deputy Commissioner Peter Lichimo leh Audit Officer, Treasuries and Accounts, Lhoubeizoto-te an ni.
Kum 2013-14 leh 2015-16 khan Khelhoshe Polytechnic hian instalment-in fund Rs 3,71,60,000 a dawng a ni. Heng sum a dawnte hi a nihna turah hmang loin tihchingpen a nih thu ANCSU chuan a sawi a, hemi chungchang chhui chiang tura sorkar an nawrna chu tihhlawhtlin a nih mai loh avangin October 14 aṭang khan ANCSU chuan tiam chin awm loin 'digital protest' an huaihawt.
Mahse sokarin inquiry committee a din hnuah nawrh huaihawt hi an titawp ve nghal a ni.