NBFC te'n mipui sum vbch 1,172 lakhawm

Tripura-a mi 14,00,000 velin Non Banking Financial Corporation (NBFC) hrang hrang te hnenah sum peipun tumin cheng vaibelchhe 1172.64 vel an dah tiin report chuan a tarlang.

NBFC 92 vel chu an awmna chin hriat lohin an ral tawh a, mahse heng NBFC te hian ram leh bungrua cheng nuai 485.90 hu an nei.

Central Bureau of Investigation (CBI) chuan kar kalta Ningani khan Agartala-a NBFC pakhat, Rose Valley office an dap a, mihring man nei loh mah se dan loha mi pawisa an lakna lehkha pawimawh ṭha­hnem tak an man. Report chuan kum hnih kalta khan NBFC hrang hrang te sumdawnna hi Tripura-ah a hluar hle tiin a tarlang bawk.

State assembly-a eptu hruaitu, Sudip Roy Bar­man chuan rorel lai sor­kar chu Tripura-a sum pei­punna company te tihluar­ah a puh a, chit fund company te thil tihnaah minister te chuan an telpui ṭhin a ni, a ti. Tripura sorkar chuan sum peipun tumte sum tam tham tak chingpen chhui turin CBI a lo ngen tawh bawk.