Shillong-Delhi direct flight thlawh tir dawn

Meghalaya sorkar chuan December 21 aṭanga Shillong-Delhi direct flight thlawh tir turin private airline, FlyBig, Big Charter Private Limited chu inremna a ziahpui. 

Delhi leh Shillong inkara flight hmasa ber tur chu December 21 chawhma dar 10-ah Delhi aṭanga thlawk chhuakin, chawhnu dar 1:10-ah Umroi Airport-ah a ṭum ang. Chawhnu dar 1:50 aṭangin Umroi aṭang hian a thlawk chhuak leh ang a, tlai dar 4-ah Delhi a thleng ang. 

Direct flight hawn­na buatsaihah hian Meghalaya sorkar aiawhin transport minister S Dhar a tel dawn a ni. Airline hian Shillong-Delhi inkarah hian kar khatah ṭum hnih thlawhtheihna a thlawh tir dawn a ni.