Congress-in NRC aṭanga hming paih tum sawisel

Assam Congress chuan Assam National Register of Citizens coordinator Hitesh Dev Sarma-a'n National Register of Citizens (NRC) final document aṭangin dan dik loa dah nia sawite hming paih tura hriattirna a tihchhuah chu sawiselin, final NRC chungchangah hian Supreme Court chuan hming paih emaw, hming dah luh thar leh emaw turin eng order mah ala pass lo tih an sawi. 

Congress chuan NRC Assam coordinator thupek chu Supreme Court aṭanga eng phalna mah la loa tihchhuah a ni tih sawiin, court thupek zah lohnaa an ngaih thu an sawi. 

Hitesh Dev Sarma hian October 13 khan deputy commissioner leh district registrar-te chu NRC final list aṭang hian  DF (declared foreigners)/DV (‘D’ voters)/PFT (pending in Foreigners Tribunals) category hnuai ami dan dik loa dah nia sawite leh an thlahte ho chu zawngchhuak tur leh, heng mite hi list aṭanga paih turin a ti a ni.