Jorhat-ah swine flu natna vei hmuchhuak

Jorhat Medical Col­­lege and Hospital (JMCH) thuneitute chuan swine flu natna vei pakhat chu tun hnai khan JMCH-a hruai a nih thu leh, kar kalta Nilaini, March 4 khan Gauhati Medical College and Hospital (GMCH)-a refer a nih hnuah a boral thu Thawhṭanni khan an tarlang.

March 4 khan Assam Health and Family Wel­fare Minister Nazrul Islam chuan assembly inkhawm­a zawhna a chhan­naah Assam-ah swine flu natna vei panga an hmuhchhuah an nih tawh thu a sawi a, an dinhmun erawh a hlauhthawnawm loh thu a sawi.

JMCH thuneitute chuan swine flu natna veia rinhlelh mi pa­hnih blood sample chu endik atan Dibrugarh-a Regional Medical Research Centre (RMRC) an thawn thu an tarlang bawk a, JMCH-a enkawl mek an ni, a ti.

JMCH official chuan swine flu natna veite enkawlna atan bik intensive care unit (ICU) siam a nih thu a sawi bawk.