Nagaland : Lei min vangin Kohima-Dimapur inkalpawhna ping

Nagaland-a ruah sur nasa vangin National Highway 29-ah lei a min a, state chhunga khawpui lian pahnih- Kohima leh Dimapur inkalpawhna a ping a ni.

Kohima district chhunga Dzudza khaw bulah Thawhṭanni khan lei hi a min a, helai kawngpuia veivak lirtheite chu leimin hian a dang a ni. Kohima deputy commissioner Kumar Ramnikant chuan NH 29 helna kawng lama kal turin mipuite tan hriattirna a tichhuak.

Nagaland State Disaster Management Authority (NSDMA) chuan ruah sur nasa bakah thlipui leh ṭek tla chuan August 25 thleng a awh thei tih an tarlang. Nagaland chhunga hmun hniam lai - Dimapur, Nuiland, Chumukedima, Bhandari, Pangti, Tizit, leh Tuli-ahte tuilian leh sabereka-khuangkaih a thleng thei tiin hriattirna an tichhuak a ni.