Sikkim-a Lepcha hnamten hydropower project dan an tum

Sikkim leilung fa, Lepcha tribal hnamte chuan an hnam tana hmun thianghlim leh an humhalh mek, Dzongu-a 520-megawatt hydropower project siam tum chu duh loin dan an tum tih an sawi. 

Lepcha hnam chuan hydropower project siam tumna hian UNESCO world heritage site, Khangchendzonga National Park  bakah Teetsa lui lam ecosystem-te a tihchhiat dawn bakah, Lepcha hnamte hmun humhalh mek Dzongu chu a tichhe dawn a ni, an ti. 

Dzongu hi kum 1956 aṭang khan protec­ted area-ah puan niin, a ram chin 60%  Khangchendzonga National Park huam chhungah a awm a ni.  Lepcha hnamte chuan hmun thianghlimah an ngai a, he hmun tlawh tumte tan pawh a hrana phalna lak a ngai a ni.