Assam-in autonomous council thar pathum dinna tur bill pass

Assam Legislative Assembly chuan Ningani khan state chhunga autonomous council thar pathum, Moran, Motok leh Koch-Rajbongshi dinna tur bill a pass. 

March 24-a Budget session tawp niah khan Moran Autonomous Council Bill, 2020, The Motok Autonomous Council Bill, 2020, leh The Kamatapur Autonomous Council Bill, 2020 te chu pharh a lo ni tawh a ni. Moran leh Motok bill hi lungrual taka pass a ni a, Kamatapur Autonomous Council Bill, 2020 erawh chu eptu leh rorellai member ṭhenkhatin Koch-Rajbongshi Autonomous Council Bill, 2020 tia thlak an phut a, mahse thlak loin an pass thei ta tho a ni.