Assam-in journalist leh home guard-te tan Rs nuai 50 insurance siamsak remti

Assam sorkar chuan journalist, home guard  leh casual employee-te, an hnathawhna aṭanga Covid-19 kai leh, he hri thihpui an awm a nih chuan ralna, cheng nuai 50 pek a remti. 

Ningania chief minister Sarba­nanda Sonowal hoa council of minister meeting neihah, heng cate­gory pathum amite tana insu­rance siam rawtna hi an pawm a ni. Meeting-ah hian sorkar hna­thawk, Group-III leh Group-IV tana upper age limit chu kum hniha puna, kum 40 china bithliah an remti bawk. Mangaldoi-a cheng vaibelchhe 900 senga Skill University dinna tur, Assam Skill Deveoplopment University Bill chu an pawm bawk a ni. 

Dhansiri Irrigation Project zawhfelna tura NABARD aṭanga grant, cheng vaibelchhe 116 lakna tur Assam Heritage Protection and Preservation Bill pawmin, kum khata cheng nuai hnih lalut tling lo chhungkuate puihna tur Orunoodi Scheme pawh pawm a ni bawk.