Congress-in Sikkim-a hydel project siam an sawisel

Congress party chuan environment a nghawng dan tur ngaihtuah loa Sikkim chhunga hydropower project siam a ni chu an sawisel. Sikkim ramngaw leh nungchate chu humhalh ngai tak a ni tih an sawi bawk.

Sikkim-ah hian Thawhlehni, August 20 khan Teesta luia 510 Mega Watt hydroelectric project chu leimin vangin ṭhen lai a chhia a, hei hi eptu pawl chuan ṭan chhanah hmangin sorkar beih nan an hmang a ni.

Congress general secretary Jairam Ramesh chuan ṭum tam tak leimin vangin Teesta V hydropower station chu tihchhiat a nih tawh tih sawiin, Glacial Lake Outburst Floods (GLOF) leh Teesta lui lian vangin Sikkim leh Kalimpong (West Bengal)-ah kum 2023 khan chhiatna a thleng tawh tih a tarlang bawk.

Jairam Ramesh hian Union Budget pharh tak chuan khuarel chhiatna laka Sikkim ṭanpui tiam ringawt mah se hmalak dan tur kim chang taka tarlan a ni lo tiin a sawisel. Budget chu a ṭha tluantling lo hle a, Sikkim-a hmasawnna hnathawh a nih dawn chuan nungcha leh ramngaw chhiatna thlen lo zawnga hma lak a ṭul a ni, a ti.

Sikkim chakkhai chawk luhna kawngpui, National Highway 10 chu leimin vangin a ping zing hle tih sawiin hei hian - sumdawnna, khualzin leh ramri venhim kawngah a ṭha lo zawngin nghawng a nei a ni, a ti. Teesta luia hydro project kalpui a ni chu Sikkim-a tuilian thlen tam chhan a ni tih a sawi bawk.