Tripura sorkarin Covid-19 kaite hnenah lehkhabu sem

Tripura sorkar chuan an state-a Covid-19 kai, enkawl mekte hnena an rilru lam hriselna atan leh fuihtu atan, Swami Vivekananda lehkhabu ziah a sem. 

Chief miniter Biplab Kumar Deb chuan heng lehkhabute hi Tripura Medical College medical superintendent leh Agartala-a Hapani Covid Care Centre in-charge hnenah a hlan a ni. CM chuan, 'Covid-19 kai dam lote chu rilru hriselna leh chakna an neih theihna atana fuihtu atan Swami Vivekananda lehkhabute kan sem a, heng lehkhabu aṭang hian chakna te an hmuh phah ngei kan beisei. Covid-19  hri leng karah mitinte chiai lo a, chak taka kan awm theih zel hi a pawimawh hle a ni," a ti. 

Tripura-ah hian hri kai hmuh chhuah hi 9,213 an awm tawh a, an zinga 6,574 chu enkawl dam ni tawhin mi 83 in an thihpui tawh. Hri kai thi zinga pahnih hi mahni intihlum an ni. State health expert-te chuan an state-a hri kai hmuh, positive rate 9-10% vel a ni tawh tih sawiin, commuty spread a thleng chho thuai dawn nia a lan thu an sawi.