Sikkim-ah Sep 1 aṭangin zirna in hawng dawn

Zirlaite kal tura tih an ni tel lo Sikkim sorkar chuan September 1 aṭangin state chhunga zirna in hrang hrangte a hawng dawn a, mahse zirlaite erawh school kal tura tih zingah an tel lo thung. 

Education department-in hriattirna hi tichhuakin, September 1 aṭangin sorkar school, college leh educational institution danga zirtirtu leh thawkte chu kal turin a hriattir. Department chuan zirna hi hawn ni mah se, zirlaite hi kal tura tih zingah telh an ni lo tih sawiin, 'homeschooling' kal chhunzawm pui a ni dawn ti a sawi a ni. 

School leh zirna in dangte hawn chungchang hi ministry of home affairs kaihhruaina siam anga tih a nih thu a sawifiah bawk.