Nagaland-in Dimapur thil thlenga inhnamhnawihte thlalak a pho lang

Nagaland Police te chuan Nilaini khan March 5-a Dimapur-a pawngsual­tua puh, jail aṭanga hruai­chhuaka sawisak hlumnaa inhnamhnawiha puh te thlalak tar chhuakin, an hmaa inlan turin an hriattir.

Tualchhung thuthar the­hdarhtute hnena thu­chhuah an siamah Dimapur Addl. SP, public relation officer (PRO) chuan, "Finfiahna rintlak tak Dimapur police te'n an neih aṭangin thlalaka tarlante hi March 5-a Dimapur-a thil­thlengah an inhnamhnawih ngei a ni," tiin a tarlang.

Dimapur Police PRO chuan an mi zawnte hi an hmuh hma chuan an thlalak hi la tarlan rih tur a ni, a ti.

Dimapur police te chuan thlalak-a langte hi an awmna huam chhunga police station ṭheuhah inlan turin an hriattir a, anmahni an inlan thei lo a nih chuan an chhungte inlan turin an hriattir bawk. Anmahni leh an chhungte an inlan thei lo a nih chuan an awmna huam chhunga zirlai pawl emaw veng chhung hruaitute chu inlan tura hriattir an bawk.