Swine Flu: Manipur-ah pakhatin a thihpui

Swine flu (H1N1) natna vei hmeichhe pakhat chu Nilaini khan Imphal private hospital pakhatah a thi.

Kum 25-a upa hi March 5 khan swine flu natna a vei tih hmuh­chhuah a ni a, Shija Hospitals and Research Centre-a enkawl a nih hnuah Nilaini zing khan a thi a ni.

Hetihlai hian swine flu natna vei a rinhlelh pakhat pawh Nilaini vek khan a boral a, a blood sample test result hriat hman a ni lo.

Hmeichhe naupang kum 11 mi pawh swine flu natna veia rinhlelh a ni bawk a, Shija Hospitals and Research Centre-ah hian admit a ni bawk.

State Principal Secretary (Health) Suresh Babu chuan swine flu damdawi an neih ṭhat tawk thu leh swine flu natna veite enkawl nan an inbuatsaih ṭhat thu a sawi a, Jawaharlal Nehru Institute of Medical Sciences (JNIMS) leh Regional Institute of Medical Sciences (RIMS)-ah ward hran siam a nih thu a sawi bawk.