Arunachal : Minister-in crop calendar tlangzarh

Arunachal Pradesh agriculture minister, Gabriel D Wangsu chuan loneituten thlai chin dan phung ṭha zawk leh thutlukna dik an siamna kawnga pui tura siam, crop calendar chu Civil Secretariat, Itanagar-ah a tlangzarh.

Crop calendar hi Krishi Vigyan Kendra (KVK), Geku buatsaih niin KVK hotupa leh senior scientist, Oyinti Megu chuan an thil buatsaih chu loneituten an thlai chin dan phunga thutlukna an siam dawna hriatna pe theitu a ni tih a sawi.

Megu chuan calendar hi loneitute tan thlai chin tur thlan kawngah, thlai enkawl dan bakah thlai thar tam zawk leh an sum lakluh a pun theih nana ṭanpuitu a nih a beisei thu a sawi. Upper Siang district-a chengte bakah Arunachal Pradesh chhunga chengte chuan crop calendar hi ṭangkai taka an hman theih ngei beisei a ni.