Inbiaknaa palai atan HNLC chairman hlui a inhuam

Meghalaya-a hel bansana politics-a lut ta, Julius Dorphang chuan sorkarin Hynniewtrep National Liberation Council (HNLC) hel pawlte chu inremna zawnga a be duh a nih chuan remna palai hna thawh a inhuam thu a sawi.

HNLC chairman hlui, Dorphang chuan sorkarin HNLC te chu te inbiakna neihpui a duh a, HNLC lamin inkahhai puan an remti a nih chuan inbiakna palai hna thawh a inhuam thu a sawi a, mahse in­biakna nei tur chuan boruak muanawm a awm phawt a ṭul thu leh HNLC te'n inkahhai an puan hmasak a ngai a ni, a ti.

Chief Minister Mu­kul Sangma chuan nikum khan HNLC te hi in­biakna neihpui a lo sawm tawh a, HNLC te hian sorkar sawmna hi thu­delh­kilh neiin an pawm a, mahse India danpui tlawhchhana inbiakna neih leh an thil phut tihpuitlin an duh a ni.

Inbiakna ṭan turin state sorkar chuan nikum khan hma a la ṭan tawh a, mahse inbiakna palai tur a la ruat lo.

Dorphang hi kum 2007, July 24 khan HNLC chairman aṭangin a bang a, kum 2013 state assembly inthlanah Ri Bhoi district, Mawhati bial aṭangin MLA-a thlantlin a ni.