Swine Flu: Assam-ah mi 2-in thihpui tawh; 10-in natna an vei

Assam Health and Family Welfare Minister Nazrul Islam chuan Assam-ah swine flu (H1N1) natna vei 12 an hmuhchhuah tawh thu sawiin, mi pahnihin an thihpui tawh tih a sawi.

Swine flu natna veite hi Jorhat leh Dibrugarh-ah mi pali ve ve an ni a, Guwahati-ah pathum leh Tezpur-ah natna vei pakhat a awm bawk. Dibrugarh leh Tezpur-a natna vei pakhat ve ve hi Indian Army a mi an ni. '

Islam chuan swine flu natna veite chu category thum- 'A', 'B' leh 'C'-a ṭhen hran an nih thu sawiiin, category 'A' leh 'B'-a awmte chu damdawi-ina enkawl a ṭul loh thu a sawi a, mahse 'C' category-a awmte erawh a rang lama enkawl nghal ngai an ni, a ti.