Gas leh tuialhthei laihchhuah tipung dawn

Union Petroleum and Natural Gas Minister Dharmendra Pradhan chuan hmarchhak biala gas leh tuialhthei laih­chhuah chu a tlakhniam thu sawiin, tihpun tuma ruahmanna siam a ni tih a sawi.

Lok Sabha inkhawm­ah Union Minister Pradhan chuan zawhna chhangin hmarchhak bial­a dan leh thupek dinhmun ṭha lo te, infrastructure changtlung lo lutuk te chu tuialhthei thlit fim loh leh gas laihchhuah a tlakhniamna chhan tiin a sawi.

Union Minister chuan hmarchhak bialah tuialh­thei leh gas laihchhuah loh tam tak a la awm thu sawiin, kum 50-60 kalta aṭanga a zawnchhuah hna ṭan tawh tur chu tun thlenga ṭan a la ni lo a, hei vang hian tuialhthei leh gas zawnchhuah hna chu ngawrh zawka kalpui a nih tur thu a sawi bawk.

Hmarchhak biala gas zawnchhuah leh lai­chhuah tihpunna atana operator-te chophur nan hmarchhak biala gas supply-tute hnenah 40% subsidy ruahmansak an nih thu a sawi bawk.