Tripura-in MGNREGA kalpui ṭha ber

Ni za inhlawhna tia hriat lar, Mahatma Gandhi National Rural Employment Gurantee Act scheme kalpuinaa hnathawh hunbi tam lamah India rampumah Tripura a sang ber.

MGNREGA kalpuina­ah hian ni khata hnathawh hunbi-ah mi pakhat hna thawh tam lam tehnaah Tripura hi 71.80 mandays a ni a, Maharashtra-in dawtin 49.18 mandays a ni a, Rajasthan chu pathumnaa awmin hnathawh tam lamah 43.22 mandays a ni.

Mandays hi ni khata hnathawh hunbi-ah mi pakhat hna thawh tam lam tehna a ni.

MGNREGA hnuaia India rampum mandays average chu 33 a ni.

Agartala Civil Secretariat conference hall-a tun hnaia MGNREGA chungchanga meeting neihah he thu hi sawi­chhuah a ni a, Chief Minister Manik Sarkar chuan sorkar laipuiin Tripura-a MGNREGA kalpui dan hnuhhniam a tum nia sawi chu a sawisel a, MGNREGA kalpuinaa India rampuma mandays sang ber ni turin mipui leh state sorkarin theih­tawp a chhuah a ni, a ti.