Assam-in thlai tharchhuah tihpun nan scheme thar siam

Assam sorkar chuan thlai tharchhuah hunbi khat chhunga loneitute'n thlai chi khat aia tam an thar­chhuah theih nan 'Momai Tamuli Barbaruah Krishak Bondhu Scheme' a siam.

Thlai tharchhuah hunbi khat chhungah thlai chi khat aia tam loneitute'n an chin theih nan scheme thar kaltlangin sorkar chuan hmanrua leh ṭanpuina dang a pe ang.

Chief Minister Tarun Gogoi chuan he scheme hi Pathianni khan Jorhat-ah a hawng a, thlai tharchhuah tihpun nan state sorkar chuan theihtawp chhuahin a bei mek a ni, a ti.

Gogoi chuan Assam mipui 70% chu agriculture leh a kaihhnawih thilah an inhnamhnawih thu a sawi bawk a, hei vang hian state sorkarin agriculture sector chu a ngaipawimawh a ni, a ti.

Assam Agriculture Minister Rockybul Hussain chuan, 'Momai Tamuli Barbaruah Krishak Bondhu Scheme' chu loneitute tana hmasawnna thlentu tur a ni, tiin a sawi bawk.

Scheme hawnna inkhawmah hian Chief Minister Gogoi chuan loneitute hnenah power tiller a sem bawk a, self-help group te hnenah ṭan­puina sum a sem bawk.