Arunachal-in damdawi lakluh danah kalphung thar a siam

Arunachal Pradesh Health and Family Welfare Minister Rajesh Tacho chuan damdawia inenkawlna tihchangtlun nan state chhunga damdawi lakluh danah state sorkarin kalphung thar a siam thu a sawi.

Kalphung tharah hian state sorkar chuan state pawn aṭanga damdawi a lakluh kawnga thuneihna a pumbilh vek chu midang kuta pek ṭhen a tum a ni.

West Kameng district, Dirang community health centre (CHC)-a official te nen an inkawmnaah he thu a sawi a, state sorkar chuan health leh education department te chung­ah 'zero tolerance policy' a kalpui thu a sawi bawk.