Manipur CM-in India inpumkhatna tihchhiat tumah Congress a puh

Manipur chief minister N Biren Singh chuan Congress party chu India inpumkhatna tihchhiat tumtu an ni tih a sawi. Hemi bakah hian Jammu and Kashmir assembly inthlan neih tura Congress thawhpui National Conference (NC)-in manifesto an tihchhuah chungchang sawifiah turin Rahul Gandhi chu a phut bawk.

National Congress hian J&K tan flag hran neih an duh thu leh J&K inhumhimna Article 370 leh 35A nei let leh tura hma an lak tur thu an tarlanga, heng an thil tum hi Gandhi kaihhruai Congress chuan an thlawp em tiin zawhna a siam a ni. NC thilphut a hlawhtlin chuan J&K chu rambuai an ni leh dawn a ti.

Biren Singh hian Congress chu anti-reservation policy thlawpah a puh bawk. Dalits, Gujjars, Bakarwals leh Pahadi te tana reservation tihtawp an thlawp niin a sawi a, NC-in Line of Control-a Pakistan nena sumdawnna tharthawh leh an tum chu Congress chuan a thlawp em tiin zawhna a siam bawk.